குணேஸ்வரன்: எனது சென்னைப் பயணம்

பிப்ரவரி 21, 2013

எனது சென்னைப் பயணம்

- சு. குணேஸ்வரன்

ஆய்வுமாநாட்டில் கலந்து கொள்ளும் பொருட்டு இரண்டாவது தடவையாகவும் சென்னைக்குச் செல்லும் வாய்ப்பு ஒன்று அண்மையில் கிடைத்தது.

உலகத் தமிழாராய்ச்சி நிறுவனம் “அயல்நாட்டுத் தமிழ் இலக்கியங்கள்” என்ற பொருளில் தேசியக் கருத்தரங்கு ஒன்றினை சென்னை தரமணி என்ற இடத்தில் பெப்ரவரி மாதம் 14 மற்றும் 15 ஆந் திகதிகளில் ஏற்பாடு செய்திருந்தது.

இதற்கான அறிவித்தலும் ஆய்வுக் கட்டுரைகளுக்கான வேண்டுதலும் குறுகிய காலத்தில் கிடைத்தன. அப்போது எனது வாசிப்பில் இருந்த எஸ். ஏ. உதயனில் நாவல்கள் பற்றிய கட்டுரை ஒன்றை எழுதும் விருப்பம் இருந்ததால் “அண்மைக்கால இலங்கைப் படைப்புக்களில் எஸ்.ஏ உதயனின் நாவல்கள்” என்ற கட்டுரையை அனுப்பி வைத்தேன். அதனை அந்த நிறுவனத்தினர் ஏற்றுக்கொண்டு அழைப்பு விடுத்தனர்.

குறிப்பாக இலங்கையில் இருந்து பத்துப்பேர் இம்மாநாட்டில் கலந்து கொண்டோம். பேராசிரியர் செ. யோகராசா, பேராசிரியர் துரை மனோகரன், கலாநிதி அம்மன்கிளி முருகதாஸ் உட்பட; நானும் நண்பர் அஜந்தகுமாரும் யாழ்ப்பாணத்தில் இருந்து சென்றிருந்தோம்.

இந்தப் பயணத்தில் பல எழுத்தாளர்களைச் சந்திந்து உரையாடும் வாய்ப்பும், ஆய்வு நூலகங்கள் மற்றும் பல்கலைக்கழகங்களையும் பார்க்கும் வாய்ப்பும் கிடைத்தது. எமது பயணத்தின்போது எடுத்துக்கொண்ட ஒரு தொகுதிப் படங்களைத் தருகிறேன்.

- சு. குணேஸ்வரன்.